भांगरभूंय | प्रतिनिधी
दोन खांब धारगळेची घडणूक, अचकीत जालें तांबडें
भांगरभूंय । प्रतिनिधी
पेडणें : दोन खांब धारगळे रस्त्याचेर येरादारी सुरळीत जावचे खातीर लायिल्लें येरादारी सिग्नल अचकीत पडिल्ल्यान फुडले गाडयेन ब्रेक मारलो. अचकीत ब्रेक लायिल्ल्यान फाटल्यान आशिल्ल्या गाडयांनी एका फाटल्यान एक धपके मारले. हातूंत चार गाडयांचें लुकसाण जालें.
टुरिस्ट गाडयेच्या (जीए 08 व्ही 0762) फुडल्या भागाचो ह्या अपघातांत खुर्दो जालो. फुडें आशिल्ले गाडयेक दुसरे गाडयेन धपको दिल्ल्यान हे गाडयेचो पुराय खुर्दो जालो. हे गाडयेचो चालक भितर शिरकलो. ताका हेर गाडी चालकांनी पत्रो कातरून ताका भायर काडलो. तो किरकोळ जखमी जालो. आपघातांत सांपडिल्ल्या चार गाडयां मदीं दोन चारचाकी जाल्यार दोन ट्रकांचो आस्पाव आसा. पेडणें पुलिसांनी अपघाताचो पंचनामो करून गाडयो पुलीस स्टेशनाचेर व्हेल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
