भांगरभूंय | प्रतिनिधी
पणजी : गोंयचे हद्दींतल्यान पयस बांदा वाठारांत आशिल्ल्या ओंकाराचे हालचालींचेर गोंयच्या रान खात्याची कायम नदर आसा. ड्रोनाचे मजतीन ताचे नदर आशिल्ल्याची म्हायती रान खात्याचे अधिकारी जीस वर्की हांणी दिली. रान खात्याचे अधिकारी सिंधुदुर्ग रान विभागाच्या संपर्कांत आशिल्ल्याचेंय तांणी सांगलें.
सप्टेंबरांत ओंकार नांवाच्या हतयान मोपा आनी आशिकुशीकच्या वाठारांतलीं शेतां आनी बागायती उध्वस्त करून उडयल्ल्यो. ताका परत धाडपाक रान खात्यान बरेच त्रास घेतिल्ले. एकदां तो गोंयची हद्द हुपले उपरांत परत गोंयांत आयिल्लो. आतां तो महाराष्ट्राचे हद्दींत जरी आसलो तरी शिमेर बांदा आनी आशिकुशीच्या वाठारांत तो भोंवता. ताचे हालचालींचेर आमची नदर आसा. ताचें रावप आनी भोंवप हे म्हायती खातीर सिंधुदुर्ग रान विभागाच्या अधिकार्यां कडेन कायम संपर्क दवरून आसात, अशें रान खात्याचे अधिकारी जीस वर्की हांणी सांगलें
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
