भांगरभूंय | प्रतिनिधी
भांगरभूंय । खबरां मेज
पणजी : साहित्य अकादेमीन आपणें मान्यताय दिल्ल्या 24 भारतीय भाशांनी 2010 वर्सा सावन, दर वर्सा ‘साहित्य अकादेमी अनुवाद पुरस्कार’ दिता. तो अकादेमीन मान्यताय दिल्ल्या, कोंकणी, आसामी, बंगाली, बोडो, डोगरी, इंग्लीश, गुजराती, हिन्दी, कन्नड, कश्मिरी, मैथिली, मलयाळम, मणिपुरी, मराठी, नेपाळी, उडिया, पंजाबी, राजस्थानी, संस्कृत, संताली, सिंधी, तामीळ, तेलुगू आनी उर्दू या भाशांतल्या भारतीय लेखकांनी केल्ल्या उत्कृश्ट अनुवादीत पुस्तकां खातीर दितात. एके प्रतिश्ठीत कार्यावळींत हे पुरस्कार प्रदान करतात आनी रु. 50,000/- ची रक्कम आनी यादस्तीक हांचो तांतूंत आसपाव आसा.
साहित्य अकादेमी प्रकाशक तशें साहित्य अकादेमीन मान्यताय दिल्ल्या सगल्या 24 भारतीय भाशांतले अनुवादक आनी तांच्या बरें मागप्यां कडल्यान ‘साहित्य अकादेमी अनुवाद पुरस्कार 2025’ खातीर पुस्तकां मागयता. पुस्तकाची पयली आवृत्ती 2019, 2020, 2021 2022 आनी 2023 (म्हणल्यार 1 जानेवारी 2019 ते 31 डिसेंबर 2023) वर्साच्या काळांत प्रकाशीत जाल्ली आसूंक जाय. पुस्तकाची एक प्रत अर्ज फॉर्मा सयत 31 मे 2025 तारखे पयलीं भेटोवप गरजेचें आसा. पुरस्कारा विशींची अदीक माहिती, साहित्य अकादेमीच्या www.sahitya-akademi.gov.in या संकेतथळाचेर आसच्या ‘साहित्य अकादेमी अनुवाद पुरस्कार नेमां वयल्यान मेळोंव येता, अशें कळीत केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
