भांगरभूंय | प्रतिनिधी
मुंबय, खबरां संस्था: नामनेचे साहित्यीक आनी विचारवंत फादर फ्रान्सिस दिब्रिटो हांकां ८० वर्सां पिरायेचेर मरण आयलें. वसयच्या नंदाखाल हांगा तांणी आयज निमणो स्वास घेतलो. फादर दिब्रिटो हे ९३ व्या अखिल भारतीय साहित्य संमेलनाचे अध्यक्ष आशिल्ले. तशेंच तांणी ’हरित वसई’ ही चळवळ प्रभावीपणान चालीक लायिल्ली.
आयज दनपरां निमणे संस्कार
फादर फ्रान्सिस दिब्रिटो हे फाटल्या कांय दिसां सावन दुयेंत आशिल्ले. तांचेर वांद्र्यां एका हॉस्पिटलांत उपचार चालू आशिल्ले. अखिल भारतीय साहित्य संमेलनाच्या अध्यक्षपदार निवड जाले उपरांत तांणी मराठी खातीर आपलें काम चालूच दवरिल्लें. फादर फ्रान्सिस दिब्रिटो हांची कूड जेलाडी हांगा तांच्या घरा दनपरां ०३.३० वरां मेरेन दवरतले. उपरांत नंदाखेल इगर्जेंत निमण्या दर्शना खातीर दवरतले. उपरांत सांजेवेळार स वरांचेर तांचे कुडीचेर निमाणे संस्कार करतले अशी म्हायती मेळ्ळ्या.
कोण आसले फादर फ्रान्सिस दिब्रिटो ?
फादर फ्रान्सिस दिब्रिटो हांचो जल्म ४ डिसेंबर १९४२ दिसा वसई म्हालांतल्या नंदाखाल हांगा जालो. तांणी पुणे विद्यापीठांतल्यान समाजशास्त्रात बीए, जाल्यार धर्मशास्त्रात पदव्युत्तर शिक्षण घेतलें. सन १९७२ त तांणी कॅथलीक धर्मगुरु पदाची दिक्षा घेतली. गुंडशाये आड आवाज काडपी कार्यकर्ते, पर्यावरण राखपी, सामाजीक भान आशिल्ले व्यक्तिमत्त्व अशी तांची अश्टताशी वळख निर्माण जाली. ’सुवार्ता’ ह्या मासिका वरवीं फादर दिब्रिटो हांणी समाजीक प्रबोधनाचे विवीध विशय मांडल्यात. ते खातीर तांणी कांय उपक्रमूय राबयले. तांच्या ह्या कार्याक लागून सुवार्ता ह्या मासिकान फकत क्रिस्तांव लोकां खातीर उरनासतना मराठी साहित्याच्या संवसारांतूय एक वेगळी अशी सुवात मेळयल्या. १९८३ ते २००७ ह्या काळांत फादर फ्रान्सिस दिब्रिटो हे सुवार्ताचे मुखेल संपादक आशिल्ले.
इस्रायलांत रावन केलें संशोधन
म्हत्वाचें म्हळ्यार ’संघर्षयात्रा ख्रिस्तभूमी’ची हें पुस्तक बरोवपा खातीर फादर दिब्रिटो हे इस्रायलाक गेल्ले. थंय रावून तांणी हाचेर कांय काळ संशोधनूय केलें. ’सुबोध बायबल- नवा करार’ ह्या पुस्तका खातीर २०१३ वर्साच्या साहित्य अकादेमी राष्ट्रीय अनुवाद पुरस्कारान तांकां सन्मानीत केले. उस्मानाबाद हांगा (आताचें धाराशिव) जाल्ल्या अखिल भारतीय मराठी साहित्य संमेलनाच्या अध्यक्षपदारूय फादर फ्रान्सिस दिब्रिटो रावन गेले. कोंकणी विशीं तांकां मोग आशिल्लो.
फादर फ्रान्सिस दिब्रिटो हांचें साहित्य
आनंदाचे अंतरंग : मदर तेरेसा, ओऍसिसच्या शोधात,
नाही मी एकला (आत्मकथन),
ख्रिस्ताची गोष्ट (चरित्र),
नाही संघर्षयात्रा ख्रिस्तभूमीची : इस्रायल व परिसराचा संघर्षमय इतिहास,
सुबोध बायबल – नवा करार
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
