भांगरभूंय | प्रतिनिधी
मंगळूरू, खबरां संस्था : ग्लॅडीस रेगो ह्या नांवान लोकप्रीय आशिल्ली कोंकणी साहित्यीक फिलोमेना ग्लॅडीस सिक्वेरा (पिराय ८०) आयज सोमारा भायर पडली.
१९४५ वर्सा मंगळुरूच्या बेंदूर शारांत जल्मल्ली रेगो ही कोंकणी साहित्यांतलो एक नामनेचो आवाज आशिल्ली. तिच्या कारकिर्दींत तिणें लघुकथा, लोकांकाणयो, चरित्र, संशोधन अशीं २७ पुस्तकां बरयल्यांत. हातूंत चार लघुकथा खंड, लोकपरंपरेचेर स पुस्तकां आनी दोन अतिरिक्त कथासंग्रह आसात.
रेगो कर्नाटक कोंकणी साहित्य अकादेमीची वांगडी आशिल्ली. तांकां दायजी दुबय आनी संदेश पुरस्कार सयत जायते साहित्यीक भोवमान मेळिल्ले. सेंट आलोयसियस कोंकणी संस्थेकूय तिणें व्हड योगदान दिलें. साबार कोंकणी ग्रंथ उजवाडाक हाडपाक तांचो मुखेल वांटो आशिल्लो.
तिच्या मरणाक लागून कोंकणी साहित्य मळाचेर एक पोकळी निर्माण जाल्या. तिच्या मरणा विशीं कर्नाटक, महाराष्ट्र आनी गोंयच्या साबार साहित्यीक, साहित्यमोगींनी दुख्ख उक्तायलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
