भांगरभूंय | प्रतिनिधी
भांगरभूंय । खबरां मेज
पणजीः संवसारीक बायल दिसा निमतान आयतार 18 मार्चाक सासष्टी महिला संघटना आनी गोमंत विद्यानिकेतना वतीन साहित्यीक माया खरंगटे, उद्देजक चित्रा क्षीरसागर आनी कविता बोरकार ह्या कर्तबगार बायलांचो भोवमान करतले. हे कार्यावळीक जोडून काव्य मैफल ही कार्यावळ मडगांवच्या रवींद्र भवनाच्या ब्लॅक बॉक्सांत दनपारां 2.30 वरांचेर जातली.
काव्य मैफल कार्यावळी बायला सबलीकरणाचें काम करपी आशाताई आरोंदेकार, बायल आयोगाची अध्यक्ष रंजिता पै आनी लाप्टर योगा आनी भरतनाट्यम शिक्षिका डॉ स्नेहा भागवत हाजीर रावतली. प्रा. पौर्णिमा केरकार हिच्या “तुझ्या अंगणात सये ” हें नाट्य सादर करतले शुभदा च्यारी हिणे ताचें दिग्दर्शन केलां. चित्रा क्षीरसागर, कालिका बापट, आसावरी कुलकर्णी आनी दीपा मिरिंगकार तांतून वाटो घेतली. उपरांत गोमंत विद्या निकेतनाची काव्य मैफल जातली. तिची येजमानकी प्रा. कविता बोकार चलयतली. सगल्या साहित्य मोगीनी कार्यावळींत वांटेकार जावचें अशें सासष्टी महिला शंघटनेची अध्यक्ष रजनी रायकार हिणे मागलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
