भांगरभूंय | प्रतिनिधी
भांगरभूंय । प्रतिनिधी
सावयवेरेंः सावयवेरें हांगच्या सख्याहरी क्रिकेटर्सां वतीन पयली अखील गोंय पंचायत पांवड्या वयली व्हेटरन्स (40 वर्सां पिराये वयले खेळगडे) हेवी टॅनीस बॉल क्रिकेट सर्त आयोजीत केल्या. मॅची 1, 6 आनी 7 मे ह्या दिसा सकाळीं 9 वरां सावन सावयवेरेच्या पात मैदानार जातल्यो.
सर्तींतल्या जैतिवंत पंगडाक 25 हजारांचें उपजैतिवंताक 15 हजार रुपयाचें इनाम दितले. सेमी फायनलींत हारल्ल्या पंगडाक दरेकी 5 हजारांचे इनाम दितले. इत्सूक पंगडानी सर्तींत वांटो घेवपा खातीर 29 एप्रील मेरेन सुभाष कडेकर (9823361145) वा उत्तम (9158235261) हांचे कडेन संपर्क सादचो अशें आवाहन सर्तीच्या आयोजकांनी केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
