भांगरभूंय | प्रतिनिधी
भांगरभूंय । प्रतिनिधी
सावयवेरें : सावयवेरेंच्या परंपरीक शिगम्याक शेनवार सावन सुरवात जाली. माडक – कावंगाळच्या शिगम्याच्या मांडार नाल्ल दवरून आनी परंपरीक विधी जाले उपरांत थंय सावन ढोल – ताश्यांच्या गजरात वाजयत गाजयत मिरवणूक काडली.
सावयवेरेंच्या श्री सांतेरी आनी श्री अनंत देवळाच्या प्राकारांत नमन आनी गाराणें गातलें. ह्या वेळार शिगम्यांतले जतीचें सादरीकरण जालें. सावयवेऱ्यां सात दीस चलपी ह्या शिगम्याची सांगता पुनव उत्सवान जातली. हो पुनव उत्सव शुक्रारा 14 मार्चाक मनयतले. 14 मार्चाक सांजे वेळार श्री अनंत देवाचें दर्शन घेतले उपरांत वाड्यावाड्या वयले मेळ घराघरांनी भोंवून जाले उपरांत सगळे मेळ रातच्या 10 वरांच्या सुमाराक ढोल ताश्यांच्या गजरांत सांतेरी देवस्थानाच्या प्राकारांत एकठांय येतले. थंय देवीक गाराणें घातले उपरांत एकठांय आयिल्ले सगळे मेळ माडक – कावंगाळच्या मांडार वतले. ढोल ताश्यांच्या गजरांत देवीच्या नामस्मरणान नाचत सावयवेऱ्यां बाजारांतल्यान मांडा कडेन वतले. थंय तुळशी मुखार म्हत्वाचे विधी जाले उपरांत राती कडेन पुनव उत्सवाची सांगता जातली. शेनवारा 15 मार्चाक होळी आनी गडे जातले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
