भांगरभूंय | प्रतिनिधी
भांगरभूंय । प्रतिनिधी
सावयवेरेंः सावयवेरें हांगच्या शांतादुर्गा देवस्थानाचो अखंड नामस्मरण भौशीक भजनी सप्ता व्हडा उमेदीन जालो. ह्या नितमान अनंत देवस्थान तें सातेरी देवस्थाना मेरेन काडिल्ले दिंडी मिरवणुकेंत भाविकांचो बरो प्रतिसाद मेळ्ळो. तांतूत ल्हान भुरगीं, बायलो आनी ज्येश्ठ नागरिकांनी वांटो घेतिल्लो.
शेनवारा दनपारां सप्ताक सुरवात जाल्ली. रातीं 10 वरांचेर अनंत देवस्थान तें सातेरी देवस्थाना मेरेन चित्ररथा वांगडा मिरवणूक काडली. त्या निमतान दरेका वाड्यार भजनी पाराचें आयोजन केल्लें. तातूंत वेलकास, खेडें, मदलोवाडो, चााफेभाट, बिद्रूक, अमराय, पाली, बोणये, चाफाड, कावंगाळ, शिलवाडो आनी सावय- घाणो ह्या वाड्या वयले भजनी कलाकार वांटेकार जाल्ले. आयतारा संत तुकारामाच्या फोट्याा सयत दिंडी मिरवणूक काडली. दनपारां देवस्थानांत आरत्यो, तीर्थ प्रसाद आनी म्हाप्रसाद जावंन सप्ताचो समारोप जालो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
