भांगरभूंय | प्रतिनिधी
सावयवेरें: सावयवेरेंच्या सरकारी माध्यमीक विद्यालय, शाळा समूह आनी पालक – शिक्षक संघ हांच्या जोड पालवान बिरेस्तार ता. 27 एप्रीलाक स्नेहसंमेलना निमतान सरकारी माध्यमीक विद्यालयाचे विद्यार्थी ’साई महिमा’ हे साई चरित्राचेर आधारून नाटक सादर करतले. ताचे पयलीं इनामां भेटवण सुवाळो आयोजीत केला. हो सुवाळो सावयवेरेंच्या पंचायत वाचनालयांत जातलो.
इनामां भेटवण सुवाळो सकाळीं 9 वरांचेर जातलो. ह्या सुवाळ्याक अध्यक्ष म्हणून कला आनी संस्कृती मंत्री गोविंद गावडे, मुखेल सोयरी म्हणून सरपंच शोभा पेरणी, पंच वांगडी स्वाती पालकार, पालक – शिक्षक संघाचे अध्यक्ष महेश शिलकार आनी मुख्याध्यापक मृत्युंजय अंगडी हाजीर रावतले. ह्या सुवाळ्या उपरांत 10 वरांचेर सांस्कृतीक कार्यावळ आनी उपरांत ‘साई महिमा’ हो नाट्यप्रयोग जातलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
