भांगरभूंय | प्रतिनिधी
भांगरभूंय । प्रतिनिधी
केंपेंः दी सावथपोल डोट इन संस्थेच्या पयले फुटबॉल सर्तींत आंबावली बॉयज पंगड वस्ताद थारलो. ताणी फायनलींत फातर्पे बॉयजांक हारयलें. केंपेंच्या शासकीय खेळा संकुलांत आयोजीत केल्ले हे सर्तींत 30 पंगडांनी वांटो घेतिल्लो.
आंबावली बॉयज पंगडान साखळी फेरयें सयत आपल्यो सगल्यो मॅची जिखल्यो. पयल्या दिसा फातर्पें पंगडान मडकय पंगडाक हारोवन फायनलींत प्रवेश केलो. जाल्यार आंबावली पंगडान बाळ्ळी बॉयज पंगडाक हारोवन फायनलींत प्रवेश केल्लो.
सर्तींत केंपें, काणकोण, धारबांदोडे, साश्ट, सांगे आनी फोंडें तालुक्यांतल्या पंगडांनी वांटो घेतिल्लो. सर्तीक फुटबॉल मोगींचो बरो प्रतिसाद मेळ्ळो. खेळाक उर्बां दिवपा खातीर आमी वावुरतले. लोकांचें आमकां सहकार्य जाय अशें संस्थेचो अध्यक्ष किरण वेळीप हाणे सांगलें. इनाम भेटवण कार्यावळीक शैलेजा वेळीप, समीर वेळीप , कृपेश वेळीप , प्रशांत वेळीप, स्नेहल वेळीप ,संदेश वेळीप,सुरेश वेळीप हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
