भांगरभूंय | प्रतिनिधी
सांगेंः सावडीमळ – सांग्यार स्टेप इन बार अँण्ड रेस्टॉरंटाच्या फाटल्यान आशिल्ल्या बंद कुडींत सुरेश खडाळकर (मूळ कर्नाटक) हो मेल्ले अवस्थेत मेळ्ळो. ताची कूड फुगिल्ल्या आनी सडिल्ल्या अवस्थेत आशिल्ली.
नेमकें प्रकरण कितें?
सावडीमळालांतल्या एका बायलेन आपल्या जाण्ट्या आवय-बापायची जतनाय घेवपा खातीर झारखंडांतल्या एके तरणाटेक आनी कर्नाटकांतल्या सुरेश खडाळकाराक केअरटेकर म्हणून काम दवरिल्ले. आपल्या बंगल्या फाटल्यान ह्या दोगांयची रावपाची वेवस्था तिणें केल्ली. मजगतीं, सुरेश फाटले दोन दीस कामाक आयलो ना. हाका लागून धनी सुरेशाक पळोवपाक ताच्या कुडींत गेली. कूड भितरल्यान बंद आशिल्ली आनी भितरल्यान घाण वास येतालो. धनीन रोखडेच उजो पालोवपी दळ आनी पुलिसांक आपयले.
आयज दनपारां सुमार 12.45 वरांचेर उजो पालोवपी दळान थंय पावून दार उगडलें. सुरेशाची कूड फुगिल्ले अवस्थेंत कुडींत मेळ्ळी. पुलिसांनी पंचनामो करून कूड ताब्यांत घेतली. सुरेशाच्या मरणाचे नेमके कारण पोस्टमॉर्टम उपरांत कळटले. फुडलो तपास पुलीस करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
