भांगरभूंय | प्रतिनिधी
विद्यार्थ्यांक फायदो जातलो: अच्युत सावंत- भोसले
सावंतवाडी : चालू शिक्षणीक वर्सा सावन सावंतवाडींत अभियांत्रिकी महाविद्यालय सुरू करपाक मान्यताय मेळ्ळ्या. यशवंतराव भोसले इन्स्टिट्यूट ऑफ टेक्नॉलॉजी ह्या नव्या म्हाविद्यालयान यांत्रीक अभियांत्रिकी, विद्युत अभियांत्रिकी, संगणक अभियांत्रिकी आनी संगणक विज्ञान हे अभ्यासक्रम उपलब्ध आसात.
फाटल्या णव वर्सांत देशांतल्या अभियांत्रिकी शिक्षणांतली सगळ्यांत उंचेली शिखर संस्था नवी दिल्ली (एआयसीटीई) हे संस्थेन म्हाविद्यालयान केल्ल्या दर्जेदार शिक्षणाचो नियाळ घेतले उपरांत भोसले पॉलिटेक्निकाचो दर्जो वाडयल्या.
चालू शिक्षणीक वर्सा सावन ह्या म्हाविद्यालयाचें नांव यशवंतराव भोसले इन्स्टिट्यूट ऑफ टेक्नॉलॉजी अशें आसतलें आनी हे सुवातेर पॉलिटेक्निक आनी अभियांत्रिकी पदवी विभाग दोनूय कार्यरत आसतले. म्हाविद्यालयाच्या जायत्या विद्यार्थ्यांनी उद्देजक म्हणून नांव मेळयलां. हाचे प्रमाण म्हणल्यार, म्हाविद्यालयाक 2019 वर्सा बेस्ट इमर्जिंग इन्स्टिट्यूट आनी 2022 वर्सा बेस्ट पॉलिटेक्निक अशे राष्ट्रीय पुरस्कार मेळ्ळे. त्याच वेळार रायगड, रत्नागिरी आनी सिंधुदुर्ग ह्या तीन जिल्ह्यांतल्यान एनबीए राष्ट्रीय रेटिंग मेळोवपी ही पयली आनी एकमेव पॉलिटेक्निक. सध्या प्रवेश प्रक्रिया चालू आसा.
हे पत्रकार परिशदेक यशवंतराव भोसले एज्युकेशन सोसायटीचे कार्यकारी अध्यक्ष अच्युत सावंत भोसले, अध्यक्ष अस्मिता सावंत भोसले, सचीव संजीव देसाय, प्रशासकीय अधिकारी सुनेत्रा फाटक, पॉलिटेक्निक प्राचार्य गजानन भोसले, जनसंपर्क अधिकारी नितिन सांडये आदी हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
