सावंंत मंंत्रीमंंडळांत ज्येश्ठ आनी अणभवी मंंत्र्यांंचो आंंकडो चड

भांगरभूंय | प्रतिनिधी

-आठ आमदार हाचे पयलीं बऱ्याच सरकारांत आशिल्ले मंंत्री

पणजी : आलेक्स सिक्वेरा हांंचो आस्पाव मंंत्रीमंंडळांत जाले उपरांंत डॉ. प्रमोद सावंंत हांंच्या मंंत्रीमंंडळांत अणभवी आनी ज्येश्ठ मंत्र्यांंचो आंंकडो वाडला. बरीच वर्सां आमदार तशेंच राजकारणांत वावर आशिल्ले डॉ. सावंंत हांच्या सरकारांत मंंत्री आसात.

पर्यटन मंंत्री रोहन खंवटे आनी समाज कल्याण मंंत्री सुभाष फळदेसाय हे सगळ्यांंत पयलीं 2012 वर्सा आमदार जाले. मुख्यमंंत्री डॉ. प्रमोद सावंंत हे लेगीत सगळ्यांत पयलीं 2012 वर्सा विधानसभेंत पावले. खेळां मंंत्री गोविंंद गावडे हे 2017 वर्सा सगळ्यांंत पयलीं प्रियोळ मतदारसंंघांतल्यान वेंचून आयिल्ले. रोहन खंंवटे, सुभाष फळदेसाय आनी गोविंंद गावडे हे तीन मंंत्री सोडले जाल्यार हेर सगळे मंंत्री हे बरेच खेपे आमदार म्हूण वेंचून आयल्यात. रवी नायक आनी सुभाष शिरोडकार हे सगळ्यांंत ज्येश्ठ मंंत्री आसात. हे दोग जाण 1984 वर्सा सगळ्यांंत पयलीं आमदार म्हूण वेंचून आयिल्ले. पंंचायत मंंत्री मॉवीन गुदिन्हो हे 1989 वर्सा सगळ्यांत पयलीं आमदार म्हूण वेंचून आयिल्ले. दोन दिसांं पयलीं मंंत्रीपदाचो सोपूत घेतिल्ले अालेक्स सिक्वेरा हे 1994 वर्सा सगळ्यांंत पयलीं आमदार जाल्ले. नुस्तेमारी खात्याचे मंंत्री निळकंंठ हळर्णकार आनी भलायकी मंंत्री विश्वजीत राणे हे 2007 वर्सा सगळ्यांंत पयलीं आमदार जाल्ले. वीज मंंत्री सुदिन ढवळीकार हे 1999 सावन सेगीत वेंचून आयल्या. रवी नायक, सुदिन ढवळीकार, सुभाष शिरोडकार, मॉवीन गुदिन्हो, अालेक्स सिक्वेरा हे हाचे पयलीं बऱ्याच सरकारांंनी मंंत्री आशिल्ले. डॉ. प्रमोद सावंंत हांंच्या मंंत्रीमंंडळांत नव्या मंंत्र्यांं परस अणभवी आमदारांंचोच आंंकडो चड आसा.