भांगरभूंय | प्रतिनिधी
भांगरभूंय । प्रतिनिधी
दिवचल: साळ पुनर्वसणूक प्राथमीक शाळेंत जल्माश्टमी निमतान आयोजीत केल्ल्या धंयहंडी सजावटींत सुमार 50 विद्यार्थ्यांनी वांटो घेतलो. अस्तंगत जावपी कावी आनी वारली पेंटिंग ह्या वेळार पळोवपाक मेळ्ळें.
पालवी संकेत नायक हाणे संस्कृती नायक हांच्या मार्गदर्शनाखाला कोंकणातल्या देवळानी दिसपी ‘कावी चित्र’ कला रेखाटून पारंपारिक कले विशीं जाग्रुताय करपाचें काम केलें. स्वानंदी मणेरीकार आनी आराध्या विलास सावंत ह्यांच्या धंयहंडीचेर वारली चित्रकला पळोवपाक मेळ्ळी. वारली चित्रकला ही महाराष्ट्रातल्या कोंकण विभागातल्या वारली आदिवासी जमातीची वैशिष्ट्यपूर्ण चित्र शैली आसा.
पालकांचे मजतीन तयार केल्ल्या धंयहंडी सजावट सर्तींत फावो जाल्लीं इनामां फुडले भशेन- बालवाडी ( अ ) गटांत – लौकिक सत्यवान गांवस (पयलो), अन्विका अविनाश खोर्वे (दुसरें), रुद्र नीलेश सावंत (तिसरो) आनी माही सुंदर नायक (उमेद वाडोवपी ईनाम), यत्ता पयली ते दुसरी (ब) गटात – स्वरा धाकटू पाटील (पयलें), श्रीयश प्रवीण सावंत (दुसरो), लावण्या वासुदेव गांवस (तिसरें) आनी रुद्र गजानन मराठे आनी समर्थ शिवाजी म्हावळणकार (उमेद वाडोवपी ईनामां) तशेंच यत्ता तिसरी आनी चवथी (क) गटात – सदांश संदेश सावंत (पयलो), पालवी संकेत नायक (दुसरें), दक्षा पांडुरंग गांवस (तिसरें), श्रेया श्रीकृष्ण गांवस आनी रुही सुरेंद्र रेडकार (उमेद वाडोवपी ईनामां). ह्या सर्तीचें परीक्षण सरकारी माध्यमीक विद्यालय – साळचे कलाशिक्षक ज्योतिराज मांगले आनी अर्जुन मटकार हांणी केलें.
उपरांत राधा आनी कृष्ण वेशभूषा केल्ल्या विद्यार्थ्यांचे प्रदर्शन केलें. ह्यावेळार पालक लेगीत मोट्या उमेदीन वांटेकार जाल्ले. कार्यावळीचें आयोजन शाळेचे मुख्याध्यापक धाकटू पाटील, शिक्षक संकेत नायक, शिक्षिका स्मिता राऊळ आनी स्नेहा देसाय हांणी केलें. गोविंदाच्या तालावर नाचत गायत बालवाडीच्या भुरग्यांनी दहीहंडी फोडली, ह्यावेळार बालवाडीच्यो शिक्षिका अलिशा नायक, सुलोचना डिमेलो आनी नमिता सुतार हाजीर आशिल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
