भांगरभूंय | प्रतिनिधी
दिवचल: दिवचल म्हालांतल्या साळ ग्रामपंचायती वतीन राष्ट्रीय पंचायती राज दीस मनोवपाचें थारायलां. ह्या निमतान ता. 14, 15 आनी 16 एप्रीलाक वणट चित्रावप (वॉल पेंटींग) सर्त घेतले.
हे सर्तींत साळ ग्रामपंचायत वाठारांतले नागरीक वांटो घेवपाक शकतात. हाका पिरायेचें बंधन ना. ती सगळ्यां खातीर उक्ती आसतली. हे सर्ती खातीर नितळ भारत हो विशय आसा.
हे सर्तींत वांटेकार जावपी सर्तकांनी आपलें नांव 13 एप्रील दनपरां 12 वरां मेरेन पंचायत कार्यालयांत नोंद करचें. सर्तकांक रंग पंचायती वतीन दितले. वांटेकार जाल्ल्या सगळ्या सर्तकांक इनामां आनी प्रमाणपत्र भेटयतले. ह्या चित्रांचो फोटो गटविकास अधिकारी कार्यालय दिवचले धाडटले. उपरांत रंगयल्ल्या चित्राची निवड जातली. ट्रॉफी तशेंच पुस्तक रुपान वा भेटवस्त पुरस्कार रूपान भेटयतले. हे सर्तीक व्हडा संख्येन वांटेकार जावपाचो उलो साळ ग्रामपंचायत सरपंच सावित्री घाडी हांणी मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
