भांगरभूंय | प्रतिनिधी
दिवचल: साळांत श्रीमहादेव भुमिका पंचायतन देवस्थान तशेंच श्रीसिद्धेश्वर माडयेश्वर आनी श्रीगोपाळवस मुळपुरूस देवस्थानाच्या कृपाशिर्वादान श्रीसिद्धेश्वर देवस्थानाच्या प्रांगणांत श्रीरामजल्म सुवाळो (रामनम) दबाज्यान मयलो. हो रामनमीचो उत्सव वयलोवाडो रावत कुटूंब आनी वयलोवाडो ग्रामस्थ तशेंच साळ ग्रामस्थ हांच्या पालवान मनयलो.
काल दनपारां श्रद्धा आनी शरद नीळकंठ रावत ह्या दांपत्याचे येजमानके खाला पुरयत महेश मराठे हांच्या पौरोहित्या खाला सगल्यो धर्मीक विधी जाल्यो. सुरवेकूच श्रीराम स्थापना हो धर्मीक विधी जालो. उपरांत दनपारां 12 वरांचेर श्रीरामजल्म सुवाळ्याक सुरवात जाली. श्रीरामाक पाळण्यांत घाले उपरांत हाजीर आशिल्ल्या बायलांनी संगिताचे साथीन पाळणो गीत राम गीतां गायलीं.
हाका अभिषेक रावत हांणी हार्मोनियमाचेर जाल्यार गजानन रावत हांणी तबलो साथ केली. तशेंच महाआरतीय गायली. उपरांत भाविकांनी कृपाशिर्वाद, तिर्थप्रसाद आनी महाप्रसादाचो लाव घेतलो. ह्या वेळार दिवचल मतदारसंघाचे आमदार डॉ. चंद्रकांत शेट्ये, तशेंच आदलो जिल्हो पंचायत वांगडी संजय शेट्ये सुवाळ्याक हाजीर रावन श्रींचें दर्शन घेतलें.
रातच्या साडेइकरा वरांचेर श्रीसिद्धेश्वर नाट्य मंडळ वयलोवाडो साळ वतीन ‘वेगळ व्हायचं मला’ हो नाट्यप्रयोग सादर केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
