भांगरभूंय | प्रतिनिधी
दिवचल: साळांतल्या श्रीमहादेव भुमिका पंचायत देवस्थानाच्या श्रीभुमिका देवीच्या देवळांत आनी प्रांगणांत दिवाळेच्या उत्सवांतलो दीपोत्सव व्हड दबाज्यान मनयलो. श्रीमहादेव भुमिका देवस्थान समितीच्या पालवान आनी गांवांतल्या बायलांनी ह्या दीपोत्सवांत व्हड संख्येन वांटो घेतलो.
दीपोत्सवाची संकल्पना दिलीप देसाय हांणी देवस्थान आनी ग्रामस्थां मुखार दवरली. ताका अनुमती दिवन हो दीपोत्सव साळांतल्या बायलांनी मनयलो.
दीपोत्सवाची सुरवात पुरयत यशवंत गाडगीळ, देवस्थान समितीचे जोड सचीव पांडुरंग कृष्णा परब, महाजन उत्तम रावत, पंढरीनाथ रावत, देविदास (पिंटो) रावत, अर्जून परब, दिलीप देसाय आनी हाजीर आशिल्ल्या बायलांनी सुरवातेक श्रीभुमिका देवळांत पणट्यो पेटोवन सुरवात केली. उपरांत भुमिका देवळाच्या प्रांगणांत विशिश्ट आकारान हाजीर आशिल्ल्या बायलांनी पणट्यो पेटयल्यो. हो दीपोत्सव सकयलो वाडो, मदलो, नवोवाडो, वयलो वाडो हांगासरल्या बायलांनी स्वता पणट्यो पेटोवन आपलो सहभाग दाखयलो.
देवस्थानाचे अध्यक्ष कालिदास रावत आनी सचीव विशाल परब हांणी दीपोत्सवाक शुभेत्सा दिवन हाजीर आशिल्ल्यांचे उपकार मानले.
देविदास रावत, दिलीप गो. परब, दयानंद भाईप, दिलीप देसाय हांणी दीपोत्सवा खातीरची रचना आनी हेर आलेखन केलें. दीपोत्सवा खातीर देवस्थान समिती आनी हाजीर आशिल्ल्यांचें दिलीप देसाय हांणी उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
