भांगरभूंय | प्रतिनिधी
भांगरभूंय । खबरां मेज
पणजीः आंतरराष्ट्रीय शेफ दिसा निमतान व्ही एम साळगांवकार रॅप अँड रोल हे थिमीचेर आयोजीत केल्ले पाककला सर्तींत साक्षी बोरकारान पयलें इनाम मेळयलें. राज्यांतल्या पाककला मोगींनी हे सर्तींत वांटो घेवन आपली कुशळताय दाखोवन दिली. व्हीएमएमआयआयएचआय संस्थेन दिल्ल्या उपकरणांचे मजतीन सर्तकांनी वेगवेगळ्यो पाककृती करून दाखयल्यो.
सर्तीचें परिक्षण नामनेचो शेफ अविनाश मार्टिन्स, व्हीएमएसआयआयएचयचो मुख्य शेफ सॅबेस्तियान, समीर मडकयकार हांणी केलें. खावपाच्या जिनसांची तयारी करप, रांदपाचें तंत्र, रांदपाचे सुवातेची नितळसाण, सर्जनशीलता, आनी वट्ट सादरीकरण हाचे वयल्यान पाककृतीची मोलावणी केली. पाककला सर्तींत 12 उच्च माध्यमीक विद्यालयांतल्या विद्यार्थिनींनी वांटो घेतिल्लो.
विद्या विकास अकादमीच्या साक्षी संगम बोरकार हिणे सर्तींत पयलें इनाम मेळयलें. दुसरें इनाम कांदोळेच्या सेंट तेरेझा माध्यमीक विद्यालयाची जोयसन जेली आनी तिसरें इनाम पणजेच्या शारदा मंदिर उच्च माध्यमीकाच्या सई करमरकार आनी एला पोरण्या गोंयच्या वसंत व्ही एस कुंकळ्ळेकार उच्च माध्यमिकाच्या राणी राजेंद्र फडते हांका फावो जालें. सर्त जिकपा परस तातूंत वांटो घेवपाची मेळिल्ली संद मेळ्ळी हाची म्हाका चड खोस जाता. व्हीएमएमआयआयएचआय कॅप्मसाक भेट दिवन थंयच्या शेफां कडल्यान मार्गदर्शन घेवपाची इत्सा साक्षी बोरकारान उक्तायली. अविनाश मार्टिन्स हांचेय ह्या वेळार उलोवप जालें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
