भांगरभूंय | प्रतिनिधी
साळगांवकार क्रिकेट क्लबान वॉरियर्स टी-20 लॅदरबॉल क्रिकेट सर्तीचें वस्तादपण जोडलें. कुडचडेंच्या साग मैदानाचेर जाल्ले मॅचींत ताणें धाडसकळ स्टार्साक 42 धांवड्यांनी हारयलो.
साळगांवकार क्रिकेट क्लबान पयलीं बॅटींक करतना निर्धारीत 20 ओव्हरींनी 9 विकेटी वगडावन 155 धांवड्यो केल्यो आनी उपरांत प्रतिस्पर्धी पंगडाक 113चेर आडायलो. ह्या जैतान साळगांवकार क्रिकेट क्लबाक 50 हजार आनी करंड फावो जालो, जाल्यार उप वस्ताद पंगडाक 25 हजार आनी करंडाचेर समाधान मानचें पडलें.
थोडे भितर धांवतकटोः साळगांवकार क्रिकेट क्लब, 20 ओव्हरींनी 9 बाद 155 धांवड्यो (प्रथमेश गांवस आनी साहिल मखवाना दरेकी 43, शुभम नायक 25 धांवड्यो, सतेंद्र तुरी 3-19, चेतन परब आनी संकल्प पेडणेंकार दरेकी 1 विकेट) जैत आड धाडसकल स्टार्स, 17.1 ओव्हरींनी 113 धांवड्यो (संकेथ मोरजकार 29, फॅलिक्स डायस 22, महेश राव 13, बासू मदार 3-19, शेरबहादूर यादव 3-24, सोमएश प्रभुदेसाय 2-1).
हेर वैयक्तीक इनामांः साजील मांद्रेंकार (उत्कृश्ट बॅट्समन, साळगांवकार क्रिकेट क्लब), शेरबहादूर यादव (उत्कृश्ट बॉलर-साळगांवकार क्रिकेट क्लब), बासू मदार (फायनलींतलो खेळगडो, साळगांवकार क्रिकेट क्लब), संकेत मोरजकार (माळेंतलो थेळगडो, धाडसकल स्टार्स).
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
