भांगरभूंय | प्रतिनिधी
भांगरभूंय । प्रतिनिधी
फोंडेंः फोंडें सारस्वत समाज आनी मंगेशीं देवस्थाना वतीन 14 एप्रिलाक सकाळीं 10 तें सांजे 4.30 मजगती वधू- वर सूचक मेळाव्याचें आयोजन केलां. आठ म्हयन्यां आदीं घेतिल्ल्या मेळाव्याक समाज भावांचो बरो प्रतिसाद मेळल्ल्यान परत मेळावो घेवपाचो निर्णय घेतला अशें फोंडें सारस्वत समाजाचो अध्यक्ष संजय फोंडेकार हांणे एके पत्रकार परिशदेंत दिली.
ह्या मेळाव्या खातीरचे अर्ज गोंयांत 17 सुवातांनी दवरल्यात. इत्सुकांनी ते भरून 31 मार्च मेरेन फोंडें सारस्वत समाजाच्या कार्यालयांत दिवपाची गरज आसा. अर्ज सकल दिल्ल्या सुवातांनी मेळटले- वेस्टकोस्ट मार्केटींग -फोंडें, पेस्ट्री पॅलेस -फोंडें, आनंद स्टोअर्स – म्हाड्डोळ, नागेश एंटरप्रायझेस – माशेल, कुकुज टॉयज – साखळी, शेरॉन ट्रेडींग कंपनी – पणजी, प्रभात अर्जेंसी – पर्वरी, मदन काकुलो – कळंगूटे, माया बूक स्टॉल – मडगांव, कामाक्षी इलेक्ट्रॉनिक – केंपें, मेसर्स पांडूरंग कामत अँड सन्स – कुडचडें, मेसर्स केंकरे हार्डवेअर -म्हापशें, दिपेश कामत- दिवचल, बाबा टॅल्कॉम -शेळेर काणकोण, अनंताश्रम – वास्को आनी एस.आर. के. सेवा केंन्द्र -फोंडें.
फोंडें हांगा घेतिल्ले पत्रकार परिशदेक फोंडें सारस्वत समाजाचो सचीव अवधूत कुंकळ्ळेकार, भांडारी संदीप कामत, मंगेश देवस्थान समितीचो अध्यक्ष डॉ अजीत कंटक आनी प्रकल्प संयोजक गणेश खांडेपारकार हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
