भांगरभूंय | प्रतिनिधी
भांगरभूंय । खबरां मेज
पणजी : फातोड्डेंच्या एसजीपीडीए मैदानाचेर शुक्रार 7 ते आयतार 9 फेब्रुवारी मेरेन तीन दीस सारस्वत अन्न आनी संस्कृती महोत्सव जातलो. गोंय सारस्वत समाज संघटनेन तो आयोजीत केला.
ह्या दिसा गोंयकारांक पारंपरीक सारस्वत अन्न चाखपाक मेळटलें. तशेंच विवीध सांस्कृतीक कार्यावळी पळोवपाक मेळटल्यो. शेनवारा 8 फेब्रुवारीक दनपरां साडेतीनांक सारस्वत समाजाच्या गुणी विद्यार्थ्यांचो भोवमान जातलो. धावी, बारावी, पदवी, पदविका, पदव्युत्तर, आयआयटी, पीएचडी आनी हेर अभ्यासक्रम पुराय केल्ल्या विद्यार्थ्यांनी ते खातीर अर्ज करचे. तशेंच पदवी, पदविका, पदव्युत्तर अभ्यासक्रम करप्यांक विद्या वर्धिनी ही अर्थीक शिश्यवृत्ती दितात. ते खातीरुय अर्ज करुं येता. पात्र विद्यार्थ्यांनी गुगल फाॅर्म भरचे, अशें आवाहन केलां. गुणी विद्यार्थ्यां खातीर –
https://forms.gle/Ghg6htcvDin3kTas7
विद्या वर्धिनी खातीर-
https://forms.gle/xAQoFLqXauKe6ncv5
जांकां ऑफलायन अर्ज जाय तांणी ते मडगांव ग्रेस चर्ची फाटल्या माया बूक स्टोरांत येवन व्हरचे आनी भरून थंय हाडून दिवचे. ते खातीर दामोदर बोरकार हांकां 9422643978 ह्या क्रमांकाचेर फोन करूं येता. अर्ज भरून दिवपाची निमणी तारीख 15 जानेवारी.
चड म्हायती खातीर सकयल्या नंबरांचेर फोन करचे. विद्यार्थी भोवमाना संबंदी – नवनाथ खांडेपारकार – 9823030900 / 7776079900, स्टाॅल बुकिंग – दामोदर बोरकार- 9422643978, सांस्कृतीक कार्यावळी- चित्रा पै खोत- 9049776809, अन्न आनी संस्कृती महोत्सव – नरेश घोडगे – 9881666789.
सगल्यांनी हो महोत्सव जैतिवंत करचो असो उलो गोंय सारस्वत समाजाचे अध्यक्ष डाॅ. जगन्नाथ (देश) प्रभुदेसाय हांणी मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
