भांगरभूंय | प्रतिनिधी
संवसारभरांतल्या सायबर क्रायम तज्ञांच्या एका नव्या संशोधना प्रमाण, सायबर गुन्यवां विशीं भारत धाव्या क्रमांकाचेर आसा. हातूंत एडव्हान्स फी भरपा कडेन संबंदी फटींगपणा हो सगळ्यांत सामान्य गुन्यांव आशिल्ल्याचें सांगलें.
तज्ञांनी ‘वर्ल्ड सायबर क्राइम इंडेक्स’ जाहीर केला. १०० देशांचो तातूंत आसपाव आशिल्लो. रशिया सगळ्यांत मुखार, युक्रेन दुसर्या आनी चीन तिसरे सुवातेर आसा. अमेरिका चोवथे सुवातेर आसा. अहवालांत, रॅन्समवेअर, क्रेडीट कार्ड चोरी आनी फटींगपणा हाचे सयत सायबर गुन्यांवांच्या विवीध श्रेणीं प्रमाण मुखेल हॉटस्पॉट वळखले.
ऑनलायन ब्लॅकमेलींग वा अनधिकृतपणान पयशे काडप असल्या नेटवर्क आनी कंप्युटरा वरवीं केल्ल्या बेकायदेशीर गजालींक सायबर गुन्यांव म्हणटात.
‘वर्ल्ड सायबर क्रायम इंडेक्स’त सायबर गुन्यांवांच्या आदारान नंबर दिल्यात. मात, प्रकरणांचो आंकडो दिवंक ना. रशियाचो संवसारीक सायबर क्रायम इंडेक्स स्कोअर (WCI स्कोर) १०० तल्या ५८.३९ हाचेर उरला. युक्रेनाचो ३६.४४ आनी चिनाचो २७.८६ आशिल्लो. भारताचो WCI स्कोअर ६.१३ आशिल्लो.
निर्देशांक जाहीर करपाक संवसारीक सर्वेक्षण केलें
ऑक्सफर्ड युनिव्हर्सिटी आणि न्यू साउथ वेल्स विद्यापीठांतल्या तज्ञांनी सायबर गुन्यांवांचो संवसारीक अभ्यास केलो. ह्या आदाराचेरे निर्देशांक तयार केलो. हो अभ्यास पांच मुखेल सायबर गुन्यांवांचेर केंद्रीत आशिल्लो. ह्या तज्ञांनी दरेक सायबर क्राय श्रेणीचें मुळावे स्त्रोत मानिल्ले देश वळखले. तशेंच, तांणी सायबर क्रायम क्टिव्हिटीच्या प्रभावाचेर आधारीत दरेका देशाच्या नबरांची नांवां सयत वळेरी तयार केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
