भांगरभूंय | प्रतिनिधी
नवी दिल्ली, खबरां संस्था ः सुमार 10 वर्सां आदीं अस्तित्वांत आयिल्ल्या एआयन आयज जायत्या कामांनी मनशाक फाटीं घालां. स्टॅनफर्ड विद्यापिठान 2024 वर्साचो एआय इंडेक्स जाहीर केला. ते प्रमाण दृश्य तर्कशास्त्र, प्रतिमा निर्मिती आनी इंग्लीश समजून घेवप ह्या सारक्या जायत्या म्हत्वाच्या मापदंडांचेर एआयन मनशाक फाटीं घालां. आतां एआय खातीर नवे मानक तयार करचे पडटले.
अहवाला प्रमाण, एआय अजूनय कांय गुंतागुंतीच्या कामांनी मनशां परस फाटीं आसा जशें स्पर्धात्मक गणित, नियोजन आनी सामान्य गिन्यान. तशेंच एआयच्या संवसारांतले कांय चिंतेचे ट्रेंड ह्या अहवालांत उक्ते जाल्यात. देखीक, अमेरिके सयत जायत्या देशांतल्या कंपनींनी एआयचो वापर नेटान वाडला. टीटहब ह्या कॉमन कोड शेअरिंग प्लॅटफॉर्माचेर एआय कोडिंग प्रकल्पांची संख्या 2011 वर्सा सुमार 800 आशिल्ली ती 2023 वर्सा 18 लाखा मेरेन वाडली. कामगारांक चड उत्पादक करपाक आनी कामाचो दर्जो सुदारपाक एआयाक येस आयला अशेंय अहवालांत म्हणलां. नवे गिरायक तयार करपा खातीर एआयचो वापर वाडला. सर्वेक्षणांत वांटो घेतिल्ल्या 55% कंपनींनी फाटल्या वर्सा एआय वापरतात अशें सांगलां. 2022 वर्सा फकत फकत 50% कंपनी जाल्यार 2017 वर्सा फकत 20% कंपनी एआय वापरताले. एक दशका आदीं एआय बेंचमार्क कंपनींक वा संघटनांक 5 ते 10 वर्सां सेवा दितालो अशें एआय इंडेक्साचे मुखेल संपादक नेस्टर मास्लेझ हांणी सांगलें.
58% भारतीयांनी एआय विशीं उक्तायलो हुस्को
एआय साधनां आनी सेवा विशीं 69% ऑस्ट्रेलियनांनी, 65% ब्रिटीश, 63% अमेरिकन आनी कॅनडान हुस्को उक्तायलो. जाल्यार भारतांतल्या 58% लोकांनी एआय विशीं हुस्को उक्तायलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
