भांगरभूंय | प्रतिनिधी
व्हडल्या संस्थां विशीं आमकां कळटाच अशें नां. गोंयांत आयआयटी, एनआयटी जावं बिट्स पिलानी सारक्यो व्हडल्यो अभियांत्रिकी संस्था आसात. तांचे भितर कितें चुकता तें कळना. आयआयटी, बिट्स पिलानी संस्था हालीं चर्चेंत आयल्यो, त्यो वेगळ्या कारणांक लागून. पूण ह्या संस्थांनी देशांतलें सगल्यांत बरें शिक्षण मेळटा, ताी म्हायती आमी घेवपाक जाय. फंड स्प्रिंग हे संस्थेन आयआयटी मद्रासाची म्हायती दिल्या. ताचे वयल्यान ही संस्था सगल्यांक कितें ना कितें शिकप दिता, हे आमकां कळटा. आयआयटीचें नांव सर्वसामान्य गोंयकारांच्या कानार पडलें तें आदले मुख्यमंत्री मनोहरबाब पर्रीकार हांकां लागून. तांणीच फुडाकार घेवन ही व्हडली संस्था फर्मागुडयेर हाडली.
खाशेली गजाल म्हणल्यार हो अभ्यासक्रम मुफत आसता. जाचो लाव सगलेच घेतात, असे ना. पूण पात्रताय आशिल्ल्या सगल्यांनी तो घेवपाक जाय. गोंयांतूय तो आसतलो. चवकशी करची. स्वयं हे नांव तुमी आयकलां आसतलें. ही एक वाहिनी. ही सगली म्हायती दिवपी फंड स्प्रिंगान दिल्या. तातूंत पांच लोक आसात. बलराजू कोडवेट्टू हे तिचे सहसंस्थापक. वेवसायिक, अभ्यासक्रम, विद्यार्थ्यां खातीर ते खूब कार्यवळी करतात. खेरीच शिक्षणीक म्हायती दितात, आॅनलायन कार्यावळीय घेतात. आपलो वेवसाय सुरू कसो करप? बारावी उपरांत कितें करप? असल्या साबार प्रस्नांक ते जापो दितात. ते बंगळुरू, दिल्ली, चेन्नय, मुंबय अश्या म्हत्वाच्या शारांनी कार्यावळी करतात. तुमकां लागींच्या केंद्रांत वचपाक मेळ्ळें ना जाल्यार निरशेवं नाकात. तुमी आॅनलायन पद्दतीन मार्गदर्शन घेवपाक शकतात.
आयआयटी मद्रास सस्थेन सुरू केल्ले हे संस्थेन पालकां खातीरुय कार्यशाळा आयोजीत केल्यात. म्हाका अग्नीवीर हे सुंदर येवजणेची याद येता. लश्करांत तुमकां प्रशिक्षण मेळटलें. हें लश्कर संवसारांतलें सर्वश्रेश्ठ अशें. हो अभ्यासक्रम पुराय जातकच जें प्रमाणपत्र मेळटा, ताचेर आयआयटी म्हैसुराचो शिक्को आसतलो. तो तुमकां नोकरे वेळार बऱ्याक पडटलो. फंडस्प्रिंगाचे वेबसायटीचेर सगली म्हायती दिल्या. शिक्षण हें हांसत खेळत घेवपाचें हें सूत्र घेवनूच ते मुखार वतात. ल्हान भुरगीं, पालक, शिक्षक हांकां ते शिक्षणान सगलें दितात. तांचे खातीर कार्यशाळा घेतात. ताचें वेळापत्र दितात. ह्या तांच्या उपक्रमांत स्वता बलराजु, प्रशांत कुमार, संकल्प अरोडा, दक्षेस विक्रम, श्रीकर कोंगरी हे वांटो घेतात. उंचेंलें शिकप घेतिल्ले हे लोक. प्रो. गणेश महादेवन, बालकृष्णन, रमण अकुला हे तांचे वांगडी. ते कसली सेवा दितात, हें तुमी वेबसायटी वरवीं विचारूंक शकतात. तांचो फोन नंबर आसा, 82489 16174. तर ईमेल आसा, [email protected]. सोशल मिडियाचेरुय ते आसात. करियरां कसलीं आसात, शिश्यवृत्ती कसल्यो मेळटात, ताची म्हायती लेगीत ते दितात. तुमचें करियर घडटना कसल्यो अडचणीं आयल्यार तुमी तांकां विचारूं शकतात.
आयआयटी मद्रासाचे मुफत सेवेचो लाव तुमी घेवचो, ही म्हायतीय ते दितात. विद्यार्थ्यांक ते सल्लो दितात, खेरीच वेवसायिक लोकांकूय दितात. मागीर वेळ करीनासतना गोंयकार विद्यार्थ्यांनी ही वेबसायट पळोवची. तातूंत तांचे ब्लाॅग आसात, भितर वेगवेगळ्या विशयांचेर बरयलां. खंय प्रवेश परिक्षा आसा, ती म्हायतीय मेळटा. कोर्स फुकट आसा, म्हूण वेंचू नाकात, जर तुमकां ताची खरीच आवड आसा जाल्यारूच घेयात.
नवे स कोर्स
सरकारी म्हाविद्यालय, बड्ड्यां- मडगांवां अंदुंच्यान स नवे कोर्स दिवपाचें थारायलां. पदवी, पदव्युत्तर कोर्स जातूंत एआय, सायबर क्रायम आनी वेवसायिकता, सृजनशीलताय हांचो आस्पाव आसा. चड चवकशे खातीर 90285 86776 चेर फोन करचो वा [email protected] हाचेर संपर्क करचो, अशें महाविद्यालयान कळयलां.
बोगस विद्यापीठां
देशांत खंय बोगस विद्यापीठां आसात ताची म्हायती हालींच उजवाडाक आयल्या. ती तुमी प्रवेश घेवचे पयलीं तपासून घेवची. कारण ताचें प्रमाणपत्र घेवन उपरांत कांयच फायदो नासता.
डाॅ. रामदास केळकार
9822583275
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
