भांगरभूंय | प्रतिनिधी
आठ म्हयन्यांनी पांच जाणांक मरण, सात नवे दुयेंती
तिरुवनंतपुरम, खबरां संस्था: मेंदवाचेर परिणाम करपी नवो व्हायरस केरळांत आयला. केरळ सरकारान हाका ‘अमीबिक मेनिंगोएन्सेफलायटिस’ अशें नांव दिलां.
भलायकी मंत्री वीणा जॉर्ज हांणी ७ ऑगस्टाक रातीं उसरां सांगलें, जानेवारी सावन आतां मेरेन व्हायरसाचीं वट्ट १५ प्रकरणां नोंद जाल्यांत. हातूंत पांच जाणांक मरण आयलां.
वैजकी मंडळाची स्थापना
केरळांत २०१६ वर्सा अमीबिक मेनिंगोएन्सेफलायटीसचो पयलो दुयेंती सांपडिल्लो. ताचे उपरांत २०१९, २०२० आनी २०२२ वर्सा दरेकी एक दुयेंती मेळ्ळे. ह्या सगळ्या दुयेंतींक मरण आयलें. ह्या रोगांत दुयेतींक जोर येवप, तकली दुखप, ओंकूंक येवप आनी मानसीक झटकेय येतात.
ह्या दुयेंसाक लागून नव्या वैजकी मंडळ स्थापन केलां आनी तें दुयेंतींचेर नदर दवरता अशें भलायकी मंत्री वीणा जॉर्ज हांणी सांगलें. पूण अजून मार्गदर्शक तत्वां तयार जावंक नात. केंद्र सरकारान ह्या विशाणुचेर उपचार करपा खातीर वखदांची पुरवण केल्या. तशेंच जर्मनींतल्यानय वखदां येवपाक लागल्यात. तिरुवनंतपुरमांत ह्या व्हायरसाचे सगळ्यांत चड ७ दुयेंती मेळ्ळ्यात.
अमीबिक मेनिंगोएन्सेफलायटीस व्हायरस म्हळ्यार कितें?
ह्या व्हायरसाक ’प्रायमरी अमीबिक मेनिंगोएन्सेफलायटिस’ म्हळ्यार PAM म्हणूनय वळखतात. हो व्हायरस घाणयार्या उदकांत सांपडपी प्री- लिव्हिंग अमिबाक लागून जाता. ते नाकाचे पातळ कांतींतल्यान शरीरांत प्रवेश करतात. अमेरिकेच्या सेंटर ऑफ डिसीज कंट्रोला प्रमाण ह्या व्हायरसाक ब्रेन इटिंग अमिबा अशेंय म्हणटात.
PAM चीं लक्षणां
जोर येवप
तकली दुखप
ताळ्यांत कितें तरी आडकल्ले वरीं दिसप
सेगीत ओकूंक येवप
घुस्पपागोंदळ
दोळ्यांक उजवाडाचो त्रास जावप
घुंवळ येवप
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
