भांगरभूंय | प्रतिनिधी
नवी दिल्ली, खबरां संस्था: टोल प्लाझाचेर गाडी थारावन पयशे भरपाक वचपी वेळ आतां वाटयात. हे खातीर फास्टॅग तंत्रज्ञानाची अंमलबजावणी केल्या. मात खुबशे ड्रायव्हर आपले गाडयेच्या विंडशील्डाक फास्टॅग जोडिनाशिल्ल्यान टोल प्लाझाचेर तांकां त्रास सोंसचे पडटात. ह्या सगळ्या परिस्थितींचो नियाळ घेवनूच आतां भारतीय राष्ट्रीय महामार्ग प्राधिकरणान (NHAI) नवो नेम बदल्ला. ह्या नव्या नेमा प्रमाण, जे ड्रायव्हर गाडयेच्या मुखावेल्या विंडशील्डाक फास्टॅग जोडीना तांकां दुपेटीन टोल भरचो पडटलो.
नेम कितें आसा?
भारतीय राष्ट्रीय महामार्ग प्राधिकरणान लागू केल्ल्या नव्या नेमां प्रमाण, गाडयांच्या विंडशील्डाक फास्टॅग जोडप गरजेचें. तो नासल्यार बोल्साक आनीक खार पडटलो. फास्टॅग योग्य तरेन लावंक नाशिल्ल्यान टोल प्लाझाचेर गरजे भायर कळाव जाता. टोलनाक्यांचेर अश्या ड्रायव्हरांक जावपी कळाव आडावपा खातीर हो नवो नेम लागू केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
