भांगरभूंय | प्रतिनिधी
नवी दिल्ली, खबरां संस्थाः लोकसभा वेंचणुकेच्या सातव्या आनी निमाण्या टप्प्या खातीर प्रचार काल सांजवेळा सोंपलो. ह्या टप्प्यांत फाल्यां शेनवारा सात राज्यांतल्या आनी एका संघ प्रदेशांतल्या ५७ मतदारसंघांनी मतदान जातलें. वेंचणुकेच्या ह्या निमाण्या टप्प्यांत ९०४ उमेदवार मळार आसात.
पंजाबांतल्या १३ आनी हिमाचल प्रदेशांतल्या चार सुवातांचेर मतदान जातलें. तशेंच केंद्रशासीत संघ प्रदेश चंडीगढ हांगाय वेंचणूक जातली. ते भायर ओडिशाक ४२ जाग्यांचेर मतदान जातलें. प्रधानमंत्री नरेंद्र मोदी हांच्या वाराणसी मतदारसंघांतूय ह्याच टप्प्यांत मतदान जातलें. पंजाबांतल्या भटिंडा मतदारसंघांतल्या शिरोमणी अकाली दलाच्या हरसिमरत कौर, हिमाचल प्रदेशांतल्या मंडीतले भाजप उमेदवार अभिनेत्री कंगना राणावत, कॉंग्रेसीचे विक्रमादित्य सिंह हे म्हत्वाचे उमेदवार आसात.
फाल्यां खंय मतदान जातलें?
उत्तर प्रदेश : १३
पंजाब : १३
अस्तंत बंगाल : ९
बिहार : ८
ओडिशा : ६
हिमाचल प्रदेश : ४
झारखंड : ३
चंडिगड : १
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
