भांगरभूंय | प्रतिनिधी
आयच्यान इंडोनेशिया ओपन सुपर 1000 बॅडमिंटन सर्त सुरू जाता. भारताची पयल्या क्रमांकाची जोडी सात्विकसाईराज रंकीरेड्डी आनी चिराग शेट्टी ही जोडी पॅरीस ऑलिम्पीक खेळां सर्त मतींत दवरून इंडोनेशिया ओपनाक सुरवात करतली. तशेंच किताब राखपाचो ताचो यत्न आसतलो. सात्विक-चिराग जोडी सध्या फॉर्मांत आसा. अंदूं तांणी चार सर्तीचे फायनलींत सुवात मेळयिल्ली, तातूंतली फ्रॅंच ओपन आनी थायलॅण्ड ओपन जिखपाक ते येसस्वी थारिल्ले.
इंडोनेशिया ओपन जिखपी भारताची ती पयली जोडी थारिल्ली. फाटल्या सप्तकांत जाल्ले सिंगापूर ओपनाचे फायनलींत तांणी ज्यो चुकी केल्ल्यो, तातूंत सुदारणां करपाचो तांचो यत्न आसतलो. तांची पयली मॅच मलेशियाचे मॅन वेई चोंग आनी काई वून टी हे जोडये आड जातली.
मजगतीं, ऑलिम्पिकांत दोन खेपे पदकां जिखपी पी व्ही सिंधू हिचेर चेपण आसतलें. दुखापतीतल्यान पुर्ण बरी जावन आयल्या उपरांत तिका आदले भशेन प्रदर्शन करपाक जमूंक ना. आपल्या प्रदर्शनांत सुदारणां करून पॅरीस ऑलिम्पिका पयलीं आत्मविस्वास वाडोवपाचो तिचो यत्न आसतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
