भांगरभूंय | प्रतिनिधी
सात्विकसाईराज रंकीरेड्डी आनी चिराग शेट्टी हे भारताचे जोडयेन कोरिया ओपन सुपर 500 सर्तीचे फायनलींत सुवात मेळयली.
संवसारीक क्रमवारींत तिसरे सुवातेर आशिल्ले भारताचे जोडयेन चीनाचे वेई केंग लिआंग-चंग वांग हे सध्याचे वस्ताद जोडयेक 21-15 आनी 24-22 अशा सरळ गेमींनी हारयली.
भारत आनी चीना हे जोडये मदीं अजून मेरेन तीन मॅची जाल्यात आनी भारताचे जोडयेन पलयेच खेपे जैत जोडलां. सात्विकराईराज रंकीरेड्डी आनी चिराग शेट्टी अंदूं तिसरे खेपे बीडब्ल्यूएफ वर्ल्ड टूराचे फायनलींत सुवात मेळयल्या.
ते पयलीं सेमी फायनलींत भारताचे जोडयेन जपानाचे ताकुरो होकी आनी युगो कोबायाशी हे जोडयेक 21-14 आनी 21-17 फरकान हारयिल्ली.
भारताचे जोडेयन सेमी फायनलींतली पयली गेम 21-14 अशी सहज जिखली. दुसरे गेमींत चीनाचे जोडयेन खर जाप दिली. पूण, अखेरेक भारताक 24-22 फरकान जैत फावो जालें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
