भांगरभूंय | प्रतिनिधी
पंचायत कर्मचारी : मागणी पुराय करपाची मुख्यमंत्र्यांची हमी
भांगरभूंय । प्रतिनिधी
दिवचल : गोंयांतल्या सुमार 400 पंचायत कर्मचाऱ्यांनी मुख्यमंत्री डॉ. प्रमोद सावंत हांची सांखळे भेट घेतली. पंचायत कर्मचाऱ्यांक सातवो वेतन आयोग लागू करपाची तांणी मागणी केली. 2016 सावन फाटपुरवण चालू आसा. जाता तितले बेगीन आमची मागणी मान्य करची, अशी विनवणी तांणी मुख्यमंत्र्यां कडेन केली. मुख्यमंत्री डॉ. सावंत हांणी तांची मागणी आनी म्हणणें समजून घेतलें आनी हे संबंदांत बेगिनूच निर्णय घेतले, अशी हमी दिली. सेगीत फाटपुरवण चालू आसा, पूण अजून पंचायत कर्मचाऱ्यांक सातव्या वेतन आयोगाचो लाव मेळूंक ना, अशी खंत कर्मचारी वर्गान उक्तायली. आपली मागणी मुख्यमंत्र्या कडेन करपा खातीर अखील गोंय पंचायत कामगार संघटणे वतीन 190 पंचायत वाठारांतल्या कर्मचाऱ्यांनी सांखळी रवींद्र भवनांत डॉ. सावंत हांची भेट घेवन आपली व्यथा मांडली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
