भांगरभूंय | प्रतिनिधी
भांगरभूंय । प्रतिनिधी
फोंडेंः साडगाळ- किर्लपाल हांगा पंच वांगडी रमाकांत गांवकार आनी भोला गांवकार हांणी पंचायत पांवड्या वयले व्हॉलिबॉल लीग सर्तीचें उक्तावण केलें. ह्या वेळार भानुदास गांवकार, क्लबाचो अध्यक्ष वामन गांवकार, अॅड ईश्वर कुट्टीकार, अॅड आतीष गांवकार, सुहान नाटेकार, मोलू गांवकार आनी हेर मानेस्त हाजीर आशिल्ले.
गांवगिऱ्या वाठारांतल्या खेळगड्यांक उर्बां दिवपाचें काम करपाक जाय. खेळाक लागून भलायकी बरी उरता. चडांत चड तरणाट्यांनी खेळांत वांटो घेवपाक जाय अशें रमाकांत गांवकारान सांगलें. गांवगिऱ्या वाठारांत मनरिजवणेची वेवस्था नाशिल्ल्यान मैदाना कडेन उबे रावंन गांवच्या लोकांक थळाव्या तरणाट्यांचो खेळ पळोवन मेळटा असें भोला गांवकारान सांगलें.
हे व्हॉलिबॉल लीग सर्तींत 6 पंगडांनी वांटो घेतला. अलीशा स्मॅशर्स, कुद्देगाळ वॉरियर्स, नारायणी सिक्स, सातेरी पिसानी स्पायकर्स, दित्त्या वॉरियर्स व इंज्या पदमावती हांचो तातूंत आसपाव आसा. उपांत्य फेरी 29 एप्रिलाक आनी 30 एप्रिलाक फायनल जातली. जैतिवंत पंगडाक 20 हजार आनी उपजैतिवंत पंगडाक 10 हजारांचे इनाम दितले. वैयक्तिक इनामां दितले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
