भांगरभूंय | प्रतिनिधी
भांगरभूंय। प्रतिनिधी
केरी- सत्तरीः साखळे आयोजीत केल्ले सरकारी शिगमो चित्ररथ, रोमटां मेळ, लोक नाच आनी भेशवण सर्तीचो निकाल जाहीर केला. चित्ररथ सर्तींत आडपय युवा संघाच्या चित्ररथाक पयलें इनाम फावो जालें. भगवती कला मंच- ढऴळीच्या चित्ररथाक दुसरें आनी कुमारजुवें नागरी समितीच्या चित्ररथाक तिसरें इनाम मेळ्ळें. ब्रह्मेश्वर यवा संघ, आखाडा, मेरशी सांस्कृतीक संग, सातेरी युवा मंडळ- मेरशी, शांतादुर्गा महादेव कुळें, लक्ष्मी लरवाड प्रसन्न- सासस्टी हांच्याय चित्ररथांक इनामां फावो जालीं.
रोमटामेळ सर्तींत पयलें इनाम खांडेपार शिगमोत्सव समित, दुसें ,सुयाग समिती आडपय, तिसरें,कुडचडें काकोडें समिती, चवथें स्वरसाई म्हापशें, पांचवे ,मंडलेश्वर वाजें,-सावड्डें सव्वे, शिगमोत्सव समिती, सातवें पायकदेव समिती सांगे,हांका फावो जालें.
लोक नाच सर्तींत पयलें सरस्वती कला संघ, दुसरें ,सिद्धी विनायक म्हाड्डोळ, तिसरें,सातेरी कलामंच सत्तरी, चवथें विजया कला मंच कुर्टी, पांचवें ,नवदुर्गा कलासंघ मडकय हांका मेळ्ळें. भेसवण सर्तींत धनंयज नायक, मदन तारी, शिवलींग नायक, तन्मय नायक, आरोही वेरेकार, कौशल गांवकार हांका आनी ल्हान गटांत कनीश बेतकीकार, निदास नायक, राजीव मराठेक आनी व्हडल्या गटांत पार्थ कामत सातोस्कार, रेसी परब आनी ओजल नार्वेकाराक इनामां मेळ्ळी.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
