भांगरभूंय | प्रतिनिधी
भांगरभूंय । प्रतिनिधी
दिवचलः बायल सशक्तीकरण तशेंच सगळ्या मळार तांकां समान संद मेळची तशेंच आशिल्ल्या साधनांचो फावो तसो उपेग करून बायलो आत्मनिर्भर जावच्यो ह्या हेतान नारी शक्ती अॅप तयार केला. बायलांचें उदरगती खातीर एक बरें साधन म्हणून ताचो उपेग जातलो अशी आस्त मुख्यमंत्री डॉ प्रमोद सावंत हांणी साखळे उक्तायली.
साखळेच्या रवींद्र भवनांत आयोजीत केल्ले नारी शक्ती भोवमान कार्यावळींत मुख्यमंत्र्यान नारी शक्ती अॅपाचें लोकार्पण केलें त्या वेळार ते उलयताले. बायलां मदीं आपली तशेंच हेरांची जीण समृद्ध करपाची शक्त आसता. शिक्षण, कला, सामाजीक, भलायकी अश्या मळार बायलांक पुराय सहकार्य मेळपाची गरज आसा. ते खातीर हें अॅप बायलांक एकठांय हाडून ताचें मुळावे प्रतिभेक चालना दिवपी थारतलें असो विस्वास डॉ सावंत हांणे उक्तायलो.
गोंय राज्य आपमजत संघटनेची अध्यक्ष सुलक्षणा सावंत हिणे नारी शक्ती अॅप गुगल प्ले स्टोरार डावनलोड करपाक मेळटा अशें सागून हे वरवीं बायलांक समान अधिकार दिवंन संवसारांतल्या सगल्या मळार तांचे खातीर समान संद उपलब्द जातल्यो असो हावेस उक्तायलो. आर्विल्ल्या युगांत नवे बदल, नव्यो संद हांचो बऱ्या फुडारा खातीर उपेग करून बायलांक सक्षम करप हो आमचो मुखेल उद्देश आसा अशेंय तिणे सांगलें. कार्यावळीक शुभदा सावयकार, रश्मी देसाय, गोपाळ सुर्लकार, विठोबा घाडी हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
