भांगरभूंय | प्रतिनिधी
भांगरभूंय । प्रतिनिधी
साखळीः साखळीच्या गोमंतक वैश्य समाज 26 जानेवारीक श्री राधाकृष्ण देवळांत आपले भांगरा महोत्सवी वर्स मनयतले. त्या दिसा सकाळ सावन सांजे मेरेन समाज भावां खातीर वेगवेगळ्यो कार्यावळी जातल्यो. सकाळच्य सत्रांत 9 वरांचेर दिवली पेटोवन कार्यावळीचें उक्तावण करतले. दुसऱ्या सत्रांत सकाळीं 10 ते सांजे 4 मेरेन वेगवेगळ्या पिरायेच्या गटांत मनरिजवण आनी सर्तीच्यो कार्यावळी जातल्यो.
सांजे 4 वरांचेर 2022-23च्या शिक्षणीक वर्सांत धावी, बारावी, पदवी, पदविका परिक्षा पास जाल्ल्या समाजांतल्या विद्यार्थ्यांचो भोवमान करतले. साखळींतल्या विद्यार्थ्यांनी आपल्या मार्कशीट वांगडा आपलीं नांवा 9923271747 ह्या मोबायल नंबराचेर शेनवार 20 जानेवारी मेरेन व्हॉट्सअप करची अशें कळीत केलां. भांगरा उत्सवी कार्यावळींत 1973 पसूनच्या समाज संस्थेच्या कार्यकारी मंडळाचे अध्यक्ष आशिल्ल्यांचो भोवमान करतले. भांगरा उत्सवी कार्यावळींत समाज भावांनी व्हडा संख्येन वांटो घेवचो अशें आवाहन समाजाचो अध्यक्ष सुखलाल दातये हाणी केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
