भांगरभूंय | प्रतिनिधी
भांगरभूंय । प्रतिनिधी
दिवचलः केंद्रीय राज्यमंत्री आनी उत्तर गोंयचो खासदार श्रीपाद नायक हांणें फाटल्या सोमाराक साखळे पालिका वेंचणुकेंत जैत मेळयल्ल्या भाजपा समर्थक उमेदवारांची भेट घेवंन तांकां परबीं भेटयलीं.
जे तरेन भाजपान चडश्यो सुवातो जिखून विरोधकांक मातये भरवण केलें ताचें स्रय भाजप वावुरपी, साळळे भाजप मंडळ समिती आनी मतदारांर दिवपाक जाय. मुख्यमंत्री डॉ प्रमोद सावंत हाच्या मार्गदर्शना खाला भाजपाचे टिमीन व्हडलें जैत मेळयलां. हाचे वयल्यान मुख्यमंत्र्यांचे सक्षम आनी खंबीर नेतृत्व आनीक घट जालां अशें सागून नायक हांणे डॉ सावंत हाकाय परबीं भेटयली.
ह्या वेळार नवनिर्वाचीत नगरसेवक दयानंद बोर्येकर, सिद्धी पोरोब, रश्मी देसाय, तशेंच हेर नगरसेवक आनी साखळी भाजप मंडळ अध्यक्ष गोपाळ सुर्लकार, कालिदास गांवस हे भाजप पदाधिकारी हाजीर आशिल्ले. येता ते लोकसभा वेंचणुकेंत भाजपाच्या उमेदवारांक वेचून दिवपा खातीर वावुरपाचें आवाहन श्रीपाद नायकान केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
