भांगरभूंय | प्रतिनिधी
भांगरभूंय । खबरां मेज
पणजीः गोंयचे नामनेचो साहित्यीक आनी कोंकणी अकादेमीचो अध्यक्ष प्रा. अरूण साखदांडे हांच्या ‘पलतडच्यो सावळ्यो’ ह्या कथा झेल्याचें प्रकाशन बिरेस्तार 14 डिसेंबराक सांजे 5 वरांचेर पाटो-पणजे हांगच्या संस्कृती भवनाच्या भोवउद्देशीय सभाघरांत जातलें. ज्ञानपीठ पुरस्करान भोवमानीत केल्ले दामोदर मावजो हे मुखेल सोयरे म्हणून हाजीर रावतले.
अरूण साखरदाडें हाचे ‘मोग किनारी’, ‘एका झाडाक घर जाय’, ‘कावळ्याचें स्राद्ध’ हे तीन कविता झेले प्रसिद्ध जाल्यात. तांच्या ‘कावळ्याचे स्राद्ध’ ह्या झेल्याक केंद्रीय साहित्य पुरस्कार फावो जाला. प्रकाशन कार्यावळीक गोंय विद्यापिठाच्या कोंकणी विभागाचो मुखेली डॉ हनुमंत चोपडेकार मानाचो सोयरो म्हणून हाजीर रावतलो. कार्यावळीक साहित्य मोगीन हाजीर रावचें अशे नूतन साखरदाडें आनी संजना पब्लिकेशनान मागलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
