भांगरभूंय | प्रतिनिधी
तोरशेंच्या साई विद्यामंदीर हायस्कुलाच्या पंगडान गोंय खेळां खात्या वतीन आयोजीत केल्ले पेडणें तालुको मर्यादीत 14 वर्सां पिराये सकयले चलयांच्या गटांतली कबड्डी सर्त जिखली.
फायनलींत ताणें आगरवाड्याच्या सरकारी विद्यालयाच्या पंगडाक 23 गुणांनी हारयलो. मॅच मोरजीच्या सरकारी मैदानाचेर जाली.
आर्या नायक, ललिता चव्हाण आनी दीक्षा वरक ह्या खेळगडयांनी जैतांत म्हत्वाचें योगदान दिलें. साई विद्या मंदीराच्या विद्यार्थ्यांक शारिरीक शिक्षण शिक्षक विश्वास कासाराचें मार्गदर्शन लाबलें. तशेंच शाळेचे कर्मचारी रुपेश बांदेकाराचें भुरग्यांक सहकार्य लाबलें. शाळेचे संचालक नागेश गोसावी, मुख्याध्यापक भगवान म्हामल तशेंच शिक्षक वर्गा वतीन खेळगड्यांक परबीं भेटयली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
