भांगरभूंय | प्रतिनिधी
१६ लाखां परस चड रुपयांची फटवणूक: तिगां आड गुन्यांव दाखल
पणजी : सांताक्रूझच्या मुथूट फायनान्स फाट्यांत बनावट भांगराच्यो वस्ती घाणाक दवरून वट्ट १६ लाख ४९ हजार ९५० रुपयांची फटवणूक केल्ल्याचो प्रकार उक्ताडार आयला. ह्या प्रकरणांत पोरणें गोंय पुलीस स्टेशनांत तिगां आड गुन्यांव दाखल केला. ही कारवाय मेरशेच्या पयलो वर्ग न्यायालयाच्या आदेशावेल्यान केल्या.
नेमकें कितें घडलें?
मुथूट फायनान्सच्या सांताक्रूझ फांट्याचे क्लस्टर मॅनेजर भिकेश गंपू कोनाडकार (२८, रा. धारगळ, पेडणें) हांणी दिल्ले कागाळी प्रमाण, ३० मार्च ते ६ मे २०२४ ह्या काळांत तिगां दुबावितांनी फांट्यांत वचून बनावट भांगराच्यो वस्ती घाणाक दवरून रिणां घेतलीं. रिणां खातीर घाणाक दवरिल्लें भांगर बनावट आशिल्ल्याचें तपासा वेळार कळ्ळें. हाका लागून संस्थेक वट्ट १६.५० लाख रुपयांनी फटयिल्ल्याचें उक्तें जालां.
कागाळीच्या आदारचेर भीमप्पा यल्लप्पा चलवाडी (रा. एमपीटी कॉलनी, हेडलँड सडा), नौशाद शेख (रा. डेस्ट्रो वाडा, वास्को) आनी संतोष चंद्रप्पा बिंगी (रा. एमपीटी हॉस्पिटलजवळ, सडा) ह्या तिगां आड भारतीय न्याय संहिता २०२३ च्या कलम २३६, २३७, ३१८(४) आनी ३(५) प्रमाण फटींगपणाचो गुन्यांव नोंद केला.
ह्या तिगांयनी एकठांय येवन हो कट रचून फटींगपणां केल्ल्याचो पुलिसांचो अदमास आसा. ह्या प्रकरणाचो तपास पोरणें गोंय पुलीस उपनिरीक्षक प्रतीक भट प्रभू हे करतात, चड तपशील फुडें येवपाची शक्यताय आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
