भांगरभूंय | प्रतिनिधी
माशेल: सांतईस्तेव्ह सरपंचपदार स्मिता सावंत हांची आनी उपसरपंचपदार करिश्मा मोंतेरो हांची विरोधा विणें निवड जाली. निवड जाले उपरांत सरपंच स्मिता सावंत आनी उपसरपंच करिश्मा मोंतेरो हांचे सयत हेर पंच वांगड्यांनी पोरणें गोंयच्या राजेश फळदेसाय हांच्या कार्यालयांत वचून तांची भेट घेतली. आमदार फळदेसाय हांणी तांकां फुलां दिवन भेटोवन परबीं भेटयलीं.
ह्या वेळार पंच वांगडी नोलास्को मिनेझीस, साईरा नार्वेंकार, हेमंत शेट हाजीर आशिल्ले.
गांवचे उदरगती खातीर बरें पावल उबारिल्ल्यान तुमकां परबीं. तुमी अशींच एकवटान रावात. हांव सदांच उदरगती खातीर तुमकां सहकार्य करतलों, अशें आमदार राजेश फळदेसाय हांणी म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
