भांगरभूंय | प्रतिनिधी
भांगरभूंय । प्रतिनिधी
पर्वरीः क्रिकेटीयर युवराज सिंग हांच्या “यूवुईकॅन” हे संस्थेन हालींच पिळर्ण उददेगीक वसणुकेंत सांडू फाम्रास्युटिकल्स ह्या आयुर्वेदिक वखदां तयार करपी कंपनीच्या पालवान थानांचो कॅन्सर तपासणी शिबीर आयोजीत केलें. तातूंत 25 वर्सां पिराये वयल्या बायलांची मुफत तपासणी केली. 70 परस चड बायलांनी ह्या शिबिराचो लाब घेतलो. डॉ निती हडफडकार हिणे बायलांनी थानाचो कॅन्सर जावचो न्हय हे खातीर घेवपाची जतनाय तशेंच कॅन्सर जाला हें कशें तरेन वळखवपाचें हे विशीं शिबिरांत वांटेकार जाल्ल्या बायलांक मार्गदर्शन केले.
सांडू ही कंपनी आयुर्वेदिक आनी वखदी वनस्पती पसून वखदां तयार करपी संवसारीक नामनेची कंपनी आसा. तांची मुंबय आनी गोंयांत उत्पादन केंद्रां आसात. आयुर्वेद वखदांचेर कंपनीच्या साडूं रिसर्च फावंडेशन संशोधन करता. सांडूच्या उत्पादनांत मनशाये कुडींतली दुयेंस प्रतिकार शक्त वाडपाक मजत जाता. फाटल्या 123 वर्सां सावन सांडू ही कंपनी तांच्या दर्जेदार आयुर्वेदिक वखदां खातीर फामाद आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.