भांगरभूंय | प्रतिनिधी
पणजी : फाटल्या कांय दिसां सावन गोंय पुलिसांनी गुपीत म्हायतीच्या आदारार बुकी आनी सट्टेबाजां आड धडक मोहीम चालीक लायल्या. हेच फाटभूंयेर साळगांव पलीसूय ऍक्शन मोडांत आयल्यात आनी तांणी सांगोल्डाच्या एका व्हिलांत छापेमारी केली. हांगा तांणी आयपीएल सामन्यांचेर बेटींग घेवपी तिगां जाणांक अटक केली.
मेळिल्ले म्हायती प्रमाण, ही कारवाय १२ एप्रील २०२५ दिसा सांजेवेळार ५:४० वरांचेर सांगोल्डेंच्या अरारझाईज बंगलो नंबर चारांत केली. पुलिसांनी, मोहित छाबलानी (२६,अहमदाबाद- गुजरात), इमान झफर (२२ औरंगाबाद-बिहार) आनी मोहित छाबलानी (२६ अहमदाबाद- गुजरात) ह्या तिगांक बुकिंग घेतना अटक केली. तांचे कडल्यान १ मोबायल, १ लॅपटॉप आनी हेर सामान मेळून १.२० लाख रुपयांचें सामान जप्त केलें.
उत्तर गोंय पुलीस निरीक्षक अक्षत कौशल, पर्वरीचे उप-अधीक्षक विश्वेश कर्पे हांच्या मार्गदर्शनाखाला पुलीस निरीक्षक सोमनाथ माजिक हांचे देखरेखी खाला पुलीस उपनिरक्षक अक्षय फातर्पेकार ह्या प्रकरणांत फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
