भांगरभूंय | प्रतिनिधी
सांगें : सांगें नगराध्यक्ष पदार संतीक्षा गडकार हांची विरोधाविणें निवड जाल्या. तशी घोशणा वेंचणूक अधिकारी उप जिल्लोधिकारी मिलिंद वेळीप हांणी केली.
ह्या वेळार आदले आमदार वासुदेव मेंग गांवकार, जिल्लो पंचायत वांगडी सुरेश केपेकार, उपनगराध्यक्ष सय्यद ईकबाल, आदली नगराध्यक्ष अर्चना गांवकार, प्रिती नायक, स्वेता नायक तारी, संगमेश्वर नायक, कॅरोज क्रूज, मॅश्यु डिकॉस्टा, फौजिया शेख, मुख्याधिकारी सिद्धार्थ प्रभू आनी हेर मानेस्त हजर आशिल्ले. रुमाल्डो फर्नांडीस हे एकटेच नगरसेवक गैरहाजीर आशिल्ले.
अर्चना गांवकार हांणी नगराध्यक्ष पदाचो कार्यकाळ सोंपिल्ल्यान थारिल्ले प्रमाण पदाचो राजिनामो दिल्लो. नगरसेविका संतिक्षा गडकार हांचो एकूच अर्ज आयिल्ल्यान तिची विरोधा विणें निवड जाली. ह्या वेळार संतीक्षा गडकार हिणें सांगलें, आपूण नगरसेवकांक विस्वासांत घेवन विकासकामांत भर घालतलीं. तिका सगल्या नगरसेवकांनी परबीं भेटयतना सहकार्य दितले अशें सांगलें. ह्या वेळार नगरपालिका कर्मचारी आनी नागरीक हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
