भांगरभूंय | प्रतिनिधी
भांगरभूंय । प्रतिनिधी
केपेंः सांगें आनी केपें तालुक्यांतल्या सारस्वत समाजा वतीन आयतार 19 नोव्हेंबराक कुडचडेंच्या रवींद्र भवनांत सकाळीं 9.30 वराचेर संगमोत्सवाचें आयोजन केलां. उक्तावण कार्यावळीक, पांडुरंग नाडकर्णी, केपेंची नगराध्यक्ष सुचिता शिरवयकार, संध्या कामत, आनी समारोपाचे कार्यावळीक सदीप खांडेपारकार, डॉ गीता काकोडकार, शंकर नाडकर्णी हाजीर रावतले.
संगमोत्सवांत 4 तें 8, 9 तें 12 अश्या पिरायेच्या गटांत रंगीत भेसवण सर्त जातली. 15 वर्सा पिराये सकल आनी वयर अशा दोन गटांत सोलो डान्स सर्त, 20 वर्सा सकल आनी वयर अशा गटांत कारोकें गायन सर्त जातली. रानचे कुडीचो आस्वाद ही पाककला सर्त, हेर स्टायल सर्त, वेथ आवट ऑफ वेस्ट, क्ले मोल्डिंग, रंगयाळे हात (मेंदी) सर्त जातली. धावी आनी बारावेचे परिक्षेंत बरे गुण घेवन पास जाल्ल्या 80 विद्यार्थ्यांचो भोवमान करतले. संगमोत्सवांत वांटेकार जावपाक इत्सूक आशिल्ल्यांनी प्रसन्ना भेंडे, पराग सबनीस, स्वेता कामत वा शिवम भेंडे हांचे कडेन संपर्क सादचो अशें आयोजकांनी कळीत केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
