भांगरभूंय | प्रतिनिधी
सांगे : सांगेंच्या विलियण वाठारांतलें एक घर चोरांनी फोडून सुमार १.६५ लाख रुपयांचें सामान फारायलें. हे विशीं सांगें पुलिसांनी अनवळख्या आड गुन्यांव नोंद केला.
पुलिसांनी दिल्ले म्हायती प्रमाण, विलियणची मनीषा नायक हांणीहे विशीं कागाळ दिली. कागाळी प्रमाण १० मार्चाक सकाळीं ८ ते दनपरां १ वरां मजगतीं अनवळखी व्यक्तीन तांच्या घराच्या मुखेल दाराचें कुलूप घरांत प्रवेश केलो. उपरांत घरांत आशिल्ले लोखणाचे आल्मारीचें कुलूप उगडून चोरान ४ ग्रामाचें भांगराचे कडे, सुमार ८ ग्रामाच्यो चार मुदयो, १ ग्रामाचें भांगराचें लॉकेट, २ ग्रामाची कर्णफुलां मेळून सुमार १.५० लाख रुपयांच्यो भांगरा वस्ती आनी १५ हजार रुपया रोख रक्कम चोरून व्हेली. ह्या प्रकरणांत सांगें पुलीस स्टेशनाची उपनिरीक्षक कविता रावत फुडालो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
