भांगरभूंय | प्रतिनिधी
सांगली, खबरां संस्था: सांगली जिल्ह्यांतल्या चांदोली धरण वाठार बुधवारा सकाळीं भुंयकांपाच्या धपक्यान हाल्लो. फांतोडेर ४ जावन ४७ मिनिटांनी हांगां भुंयकांपाचे धक्के जाणवले. ह्या भुंयकांपाची खराय ३ रिश्टर स्केल इतली नोंद जाल्या. शिराळा म्हालांतल्या वारणावती वाठारांत सुमार आठ किलोमीटर वाठारांत भुंयकांपाचे धपके जाणवल्ल्याची म्हायती आसा. हाका लागून थळाव्यां मदीं भंय निर्माण जाला.
विशेश म्हळ्यार चांदोली धरणांतल्यान उदक व्हांवतनाच हो भुंयकांप जालो. फाटल्या कांय वर्सां सावन सांगली उटंगराचो पावस सुरू आसा. ताका लागून न्हंयांच्या उदकाची पातळी वाडल्या. हेच फाटभूंयेर चांदोली धरणांतल्यान उदक सोडटनाच भुंयकांपाचे धपके जावणले. हाका लागून न्हंयें लागसारच्या गांवांक सादुरतायेच्यो सुचवण्यो दिल्यात. मात हो धपको ल्हान आशिल्ल्यान चांदोली धरणाक कसलोच धोको ना, अशें प्रशासनान स्पश्ट केलां.
मराठवाड्यांतल्या चार जिल्ह्यांनी भुंयकांप
कांय दिसां आदीं मराठवाड्यावेल्या परभणी, नांदेड, हिंगोली, जालना अशा एकूण चार जिल्ह्यांनी भुंयकांपाचे धक्के जाणवल्ले. ह्या भुंयकांपाची खराय ४.५ रिश्टर स्केल इतकी आशिल्ली. विदर्भांतल्या वाशिम सयत रिसोड म्हालांतल्या कांय वाठारांनी भुंयकांपाचे खर धपके जाणवल्ले. जाल्यार जालना जिल्ह्यांतल्या अंबड, घनसावंगी, परतूर म्हालांतले कांय वाठारा भुंयकांपान हाल्लो. तशेंच, परभणी शारा सयत सेलू, गंगाखेड अश्या जायत्या वाठारांनी भुंयकांपाची धपके जाणवल्ले.
भुंयकांप आनी पावसाचें नातें कितें?
कांय दिसां आदीं मराठवाड्यांत भुंयकांपाचे धक्के बसले तेन्ना हवामान अभ्यासक पंजाबराव डख हांणी एक निरीक्षण नोंद केल्लें. मराठवाड्यांतल्या भुंयकांपाचे धपके फुडारांतल्या बर्या पावसाचीं चिन्नां आसपाक शकतात, असो अदमास डख हांणी उक्तायलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
