भांगरभूंय | प्रतिनिधी
दिवचल: दिवचल म्हालांतल्या साळ हांगासरल्या श्रीमहादेव भुमिका सेल्फ हेल्प ग्रूप महिला मंडळान प्रस्तूत केल्ल्या अशोक जी परांजपे हांणी बरयिल्ल्या, योगेश तारी हांणी दिग्दर्शीत केल्ल्या, प्रतिमा (दामिनी) दामोदर परब हांणी निर्मिती केल्ल्या तीन अंकी संगीत गोरा कुंभार हो नाट्यप्रयोग रवींद्र भवन सांखळे शेनवारा 27 जुलयाक सांजवेळा 7 वरांचेर जातलो.
ह्या नाट्यप्रयोगांत स्वरांजली रावत (गोरा कुंभार), चैताली परब कामत (संता), मुग्धा तारी (चिंतूबुवा), गौरवी रावत (मार्तंड), रोशन रावत (केशा), प्रतिमा परब (सावकार), मानसी रावत (नामदेव), सीताली सीताराम नायक (पांडुरंग), भक्ती सावंत (वारकरी), सानिया रावत (निवृत्ती), सान्वी रावत (ज्ञानदेव), परी रावत (सोपान), अवनी रावत (मुक्ता), स्नेहा देसाय (रामाई), दिक्षा रावत (बाबा), प्रतिक्षा रावत (सावता), आशा रावत (रुक्मिणी), संतोषी संदीप चंदगडकर (रंग्या) हे कलाकार आपली कला सादर करतले.
ह्या नाट्यप्रयोगाक मधू रावत (ऑर्गन), बबन आरोंदेकर (तबलो), शारदा आरोंदेकर (मंजिरी) हे संगीत साथ करतले. जाल्यार आशीश रावत हांचे पार्श्वसंगीत जाल्यार गुरुप्रसाद रंगमंच – कासारपाल दिवचल हांचें नेपथ्य आसतलें.
ह्या महिला मंडळान आतां मेरेन कळीचा नारद (2022), परब्रह्म आले भेटी (2023) आनी संत गोरा कुंभार (2024) अशे संगीतमय नाटकांची निर्मिती करून रसिकांची तोखणाय मेळयल्या. दरेक नाटकांचे दोन – दोन, तीन – तीन प्रोयग जावन रसिकांची तोखणाय मेळयल्या. हे फाटभुंयेर रवींद्र भवन सांखळे परतून येत आसून उण्या दरांत प्रवेशिका उपलब्ध आसात.
ते खातीर 100 रुपयाच्या प्रवेशिके खातीर योगेश तारी (8390067173) आनी रु. 200 रुपयांच्या प्रवेशिकेसाठी मधू रावत (8554051456) हांचे कडेन संपर्क सादचो अशें आयोजकां वतीन कळीत केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
