भांगरभूंय | प्रतिनिधी
दिवचल: हालीं गोंयांत सेगीत चोरयो जायत आसा. लोकांचीं घरां, दुकानां फोडून चोरयो करप, वाटेर चलतना बायलांच्या आंगार आशिल्ल्यो भांगरा वस्ती फारावप अशे प्रकार चालूच आसात. हेच फाटभूंयेर सांखळे बाजारांत आशिल्ल्या एका बंद घरांत बिरेस्तारा चोरी जाली.
चड म्हायती प्रमाण, सांखळे बाजारांत एका कॉस्मेटीक दुकानाच्या फाटल्यान एका बंद घरांत दवरिल्ले एक लाख रुपया चोरांनी चोरिल्ल्याची कागाळ दिवचल पुलीस स्टेशनांत नोंद जाली. दुकाना फाटल्यान आशिल्ल्या त्या घरांत ह्या दुकानदारान पयशे दवरिल्ले. ते चोरिल्ल्याचें कागाळींत म्हणलां.
हे विशीं दिवचल पुलिसांक समजतांच पुलिसांनी थळ येवन पंचनामो केलो. सध्या पुलीस तपासणेक गती आयल्या. पुलीस चोराचो सोद घेतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
