भांगरभूंय | प्रतिनिधी
दिवचल: दिवचल पुलिसांनी एके कारवायेंत अधिकृत व्हिजा आनी अधिकृत पासपोर्ट नासतना बेकायदेशीरपणान रावपी दोगां परदेशी बायलांक ताब्यात घेतल्या. तांकां न्यायालयांत हजर करून १४ दिसांचो रिमांड घेतला.
दिवचल पुलीस आनी पणजेचे टिमीन अचकीत घेतिल्ले सोद मोहिमेंत तपास करतना ही कारवाय केल्या.
ह्या प्रकरणांत झरीना लिनोनिड वोपरी कोवा (३८) ह्या रशियन तशेंच अंता नीना सायगेई कार्पेनका( ३७) बेलारुसची बायल बेकायदेशीरपणान रावता हें उक्तडार आयले उपरांत ही कारवाय केली.
हे विशीं पुलिसांनी दोन वेगवेगळे गुन्यांव नोंद केल्यात. दिवचल पुलीस निरीक्षक विजय राणे, उपनिरीक्षक विराज धावूस्कर, जयप्रकाश जानकर, वर्षा देसाय, उजिता पराडकार, तशेंच पराग पारेख हे टिमीन अधीक्षक राहुल गुप्ता उपाधीक्षक व्हीलसन डिसोझा हांच्या मार्गदर्शना खाला ही कारवाय केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
