भांगरभूंय | प्रतिनिधी
पणजी : गोकुळवाडी- सांखळेचे एके बायलेक ‘टाटा स्काय’चो अधिकारी आशिल्ल्याचें सांगून अनवळख्यान ४४ हजार रुपयांक फटोवपाची घडणूक उक्तडार आयल्या. ह्या प्रकरणांत सांखळे पुलीस स्टेशनांत अनवळखी मोबायल नंबर धारकां आड गुन्यांव नोंद केला.
नेमकें प्रकरण कितें ?
अनुषा वाडकार (४०) हांणी दिल्ले कागाळी प्रमाण, १८ जून २०२५ दिसा रातच्या ९ वरां सावन ते १९ जून सकाळीं १०.४८ वरां मेरेन तांकां ९१६३३०५९७० आनी ७८६५८७०३९४ ह्या मोबायल नंबरांवेल्यान कॉल आयले. फोनावेल्या मनशान स्वताक ‘टाटा स्काय’ कंपनीचो अधिकारी आशिल्ल्याचें सांगून रिचार्ज प्रक्रियेच्या नांवाखाला कागाळदारा कडल्यान तांच्या बँक खात्याची म्हायती घेतली. उपरांत फटींगपणां करप्यान बँक तपशीलाचो वापर करून कागाळदारांच्या बँक खात्यांतल्यान वट्ट ४४,३४०.७६ रुपया काडले.
ह्या प्रकरणांत सांखळे पुलीस स्टेशनांत गुन्यांव दाखल केला. फुडलो तपास पुलीस उपनिरीक्षक रश्मीर परब मातोंडकार करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
